Mae David Lyndon yn actor ac ymarferwr drama gyda gyrfa rhyngwladol yn y celfyddyau perfformio. Fe'i hyfforddwyd ym Mhrifysgol Birmingham a buodd hefyd yn aelod blaenllaw o Gwmni Theatr Ieuenctid y Deyrnas Unedig am sawl tymor. Ar y llwyfan brofessiynol, mae David wedi chwarae Gerry yn Dancing at Lughnasa (Theatr y New Vic, Stoke); Boone yn Whistle Down the Wind (taith genedlaethol); Danny yn Dreaming Amelia (Hijinx Theatre); Frank’n’Furter yn The Rocky Horror Show (Casino de Paris a Teatro Nuovo, Milan); Konstantin yn The Seagull, Luigi yn Can’t Pay? Won’t Pay! a Bassanio yn The Merchant of Venice (Theatr y Swan, Caerwrangon); Sky Masterson yn Guys & Dolls, Oberon yn A Midsummer Night’s Dream a The Dentist yn Little Shop of Horrors (Canolfan y Celfyddydau, Aberystwyth); Victor yn Yerma (Battersea Arts), Jaques yn As You Like It (Castell Dudley); Topper yn Scrooge (taith genedlaethol); Plebeian yn Julius Caesar (RSC, Barbican) a France yn King Lear (Clwyd Theatr Cymru). Ymddangosiadau y 'West End' yn cynnwys Aspects of Love (Theatr Y Tywysog Cymru) a The Hired Man (Theatr y Palas). Ym myd y pantomeim, mae e wedi chwarae Prince Charming yn rhy aml i'w chyfrif!

Mae David yn gweithio yn Gymraeg ac yn Saesneg ac mae ei waith teledu yn cynnwys y cymeriad cyfredol Fenner yn Pobol y Cwm a The Man in Hidden, yn ogystal â rhannau mewn Iechyd Da a Darn o Dir. Darparodd hefyd yr adroddiad am sawl pennod y cyfres poblogaidd Five Days in ... i BBC2W. Ar y llwyfan Gymraeg cafodd ganmoliaeth uchel am ei bortread o'r diwygiwr Evan Roberts yn y sioe gerdd mawr Hen Rebel i Theatr Genedlaethol Cymru.

Yn y maes academaidd, mae David wedi ennill ddoethuriaeth mewn hyfforddiant actorion a bu'n ddarlithydd gwadd mewn sawl coleg a phrifysgol. Mae e’n frodor o Lanelli.